Hast du ein Stammbeisl? Dann frag mal, ob du da was von dir vorlesen kannst.
Nur sag uns bitte wann - ich möcht das nicht versäumen.
Nimma mehr.
Die ane Stammwirtin, oiso die Frieda, dera ihr Hitt`n groß gnua gwesen warad,
den Puplikusansturm bei mein Auftritt aufzfanga, die is leida scho gsturb`n im Öfajahr.
Ned wäus scho so alt war, nur wegen da Leberzirrhose.
Mit da göb`n Gret`l beim Proda is immer mehr Berg o ganga,
nachdem si da Gschäftsführer, der wos gleichzeitig ihr Oida war,
im Voirausch unabsichtlich mit an Telefonkabel s`Leben gnumma hod,
wäu sei Tochter zerst auf`s Weiße und dann leida a no am Strich ogstürzt is.
Obwohl er selber sei Lebtag ka Ministrant war, hat eahm des ziemlich niederdruckt.
Sie hat dann des Gschäft no a Zeitlang allanich weidagführt
und wia dann ihr Sohn, a wengan Gift, gsturb`n is,
wars ganz vorbei mit der gmiadlich`n Atmosphäre durt.
Der gfühde Otto hod vernünftiger Weise erst vur a paar Monat sei Presslufthitt`n
freiwüllich aun an Nachfolger weida geb`n, nämlich bevur er
a irreparables Nervenleiden aufreißt, mit die Gäst,
die wos täglich bei eahm einegwachsen san
um si bei eahm auf Kreid`n eahna Hirn
aus der Ummantelung zu pressen.
Natürlich, Frau Zippe,
sind die Personen, die Namen und Location`s nur frei erfunden,
selbstverständlich sind alle Gschichten meiner Phantasie entsprungen
aber so ungefähr hädert`s sei kenna, mei Stammbeislszene und drum:
Na, i hab ka Stammbeisl.
Und i bin a gar ned unglücklich drüber.
Soi oft vü zu familiär zuageh, in so Stammbeisl`n, hab i ghört.