Verschiedene Notizen auf LoneWolfisch

[LoneWolf]

Im Grunde gehst, wenn ma dem Eröffnungsthread trauen kann, um die Einsamkeit in mir und wie i damit umgeh. Und i ziag mi daher zruck, weu i ned diskutieren wü drüber und in keinster Weise Beratung suche oder Trost und Hilfe, was diese Angelegenheit betrifft.

Weu tat i des, dann miaßad i den Berater zuerst fragen:

Wer bist Du?
Was für persönliche Gschicht hast du?
Was für Werte, Ideale, Inhalte haben sich herausgebildet deinem Leben und deine Persönlichkeit geformt?
Was für Früchte gesät, welche Ernte eingefahren?
Was hat di zu dem Berater gmacht, wo hast du dei Trostspenderkompetenz erworben?
Hier in dieser Gesellschaft? Ja? Wirklich in dieser Gesellschaft?
In welcher Rolle, in welchen Funktionen?
Was bedeutet Liebe für dich?
Welchen Wert hat Beziehung und Partnerschaft für dich?
Wie entwickelt oder abgestorben ist dein Familiensinn?

Des warad`n die grundlegenden und vielleicht sogar etwas persönlichen Fragen,
die i mein Berater und Trostspender stellen tat,
weu i die Leut gern näher kenn, die ma`s Kopferl streicheln.

Aber sovü Zeit hama meistens ned, drum gemma besser weida.

 

[Moondance]

Im Grunde gehst, wenn ma dem Eröffnungsthread trauen kann, um die Einsamkeit in mir und wie i damit umgeh. Und i ziag mi daher zruck, weu i ned diskutieren wü drüber und in keinster Weise Beratung suche oder Trost und Hilfe, was diese Angelegenheit betrifft.

Weu tat i des, dann miaßad i den Berater zuerst fragen:

Wer bist Du?
Was für persönliche Gschicht hast du?
Was für Werte, Ideale, Inhalte haben sich herausgebildet deinem Leben und deine Persönlichkeit geformt?
Was für Früchte gesät, welche Ernte eingefahren?
Was hat di zu dem Berater gmacht, wo hast du dei Trostspenderkompetenz erworben?
Hier in dieser Gesellschaft? Ja? Wirklich in dieser Gesellschaft?
In welcher Rolle, in welchen Funktionen?
Was bedeutet Liebe für dich?
Welchen Wert hat Beziehung und Partnerschaft für dich?
Wie entwickelt oder abgestorben ist dein Familiensinn?

Des warad`n die grundlegenden und vielleicht sogar etwas persönlichen Fragen,
die i mein Berater und Trostspender stellen tat.

Aber sovü Zeit hama ned, drum gemma schnö weida.

ok.....

 

[LoneWolf]

Selbstbeherrschung nennt ma des, wenn ma gern so schreibt, wia ma denkt und red
und si aber entschließt, des aus Rücksicht auf die andern User
in an eiganan Aufgeschrieben-Thread z`tuan.

Sich selber zurück nehmen, an Orten, wo man möglicherweise nicht ganz passend auftritt
und zurück ziehen, an einen Ort, an dem man - zumindest wähnen darf - niemanden zu stören oder zu irritieren.

Selbstbeherrschung, durchaus a leichte Form von Selbstbeherrschung,
der a geringfügige Selbstreflexion zu Grunde liegt, oiso,
a bissl a Nachdenken übers eigane Verhalten.

Warum a ned? Is ja jetzt ned durch und durch schlecht oder boshaft gwesen, mei Absicht, und ma stirbt a ned dran. Is ma ned wirklich wichtig, mei Liebe zu mein Dialekt und mei Bedürfnis, so zu schreiben, wie i red in themenbezogenen Threads auszuleben. Des gangert ja genau so guad da a. So a Art Kreativexperiment warad ma vurgschwebt, in dem i irgendwie mein Hang zum Mundartschreiben ausleben aber a weida entwickeln kann, wäu mei System is no lang ned perfekt.

Nur im Moment hab i a Scheibblockade, wäu i nachdenk.

Zvü nachdenk über Smileys in mein Thread.

Und obs guad is, wenn i mi in Selbstbeherrschung üb. Die Leut woin des womöglich gar ned.

Na wurscht, es wird si scho finden.

 

[LoneWolf]

Im Grunde gehst...

Haßt natürlich geht`s.

 

[LoneWolf]

Ja, wennst aufwachst, eines schönen Tages in oller Herrgotts Fruah, und dir wird so richtig voll bewusst: dei erster, allererster Kommunikatuionspartner is a Intel Pentium E 6700 und ollas andere um di herum is tot und ohne Leben, dann is des ka Grund, in a Depression z`stiazen, aber höchste Eisenbahn, den Sinn vom Leben neu zu überdenken.

Da steht eh in an Satz des Problem und die Lösung.

Sollt ma eigentlich annehma dürf`n, dass des Signal gnua is, dass der Schreiber von dem Scheißdreck über wos schreibt, wos er grundsätzlich im Griff hod. Die Einsamkeit halt, is jo ned dramatisch. Des vüle Plastik in die Meere find i dramatischer. Oder die Konflikte im nahen Osten. Des is dramatisch, aber mei Einsamkeit? Deppert is, weu`s mi an manche Tag so niederdruckt, dass i an mir selber dastick`n kennt.

Des is bled, aber ned dramatisch.

Mir geht`s afoch zeitweis fest am Oasch, des allanich sei, seit i kost hab vom Kuchen der Zweisamkeit.
Seit damals genüg i ma nimma wirklich selber und mei eigana Schwanz und die ganze Existenz um eahm herum kennt`n ma gstoin bleiben. Selbstliebe bis zum Erbrechen. Brauch i ned, hab i scho ghabt. Gibt ma nix.

I wü di, du unbekannte Schöne, gspian in meine Arm, sunst nix. Meld di endlich, sunst drah i druch.

Des is des Gfrett, mit dem i aufwach in da Fruah, auf dera gschissanan Renovierungsbaustö, wo a nix weida geht und i scho fast im Dreck dastick, weu i ma olle Tag sag: Für was? Für was tua mi i des an? Für mi? Dass i da no 10 jahr herumwurschteln und mit mir selber Fangerl spün kann, auf 43 Quatratmeta? Na, da scheiß i drauf. Dann geh i meistens Wasser lassen und leg mi wieder nieder, weu i nix mehr wissen wü von mir selber.

Heut aber wars ganz anders in der Fruah. Da hab i a erfrischende Idee ghabt und hab ma denkt, amoi no drah i ois aller erstes den Computer auf, schaff a bissl Ordnung im Esoforum, soweit des in meiner Macht liegt und start mei eiganas Kreativprojekt, in dem i mi ungestört meiner Mundartschreiberei widmen kann, ohne damit die Andern zu stören, weu in die Thementhreads werd i dann nur mehr Hochdeutsch schreiben, wenn i unbedingt glaub, i muaß wo was Wichtiges dazua sagen.

Und ab morgen gibts nix mehr Computer aufdrahn, glei in da Fruah, wia a Automat.
Da wird zerst amoi a bissl glebt, a bissl was garbeit und dann vielleicht a bissl gschrieben.

A bissl a System, hab i ma denkt, Selbstbeherrschung und Konsequenz kann nix schaden.

Und wos is? Kummans daher, die Retter und Tröster und zraff`n ma die Haar in oller Fruah.

Na mehr hab i ned braucht, dass der Tag wieder grennt is.

 

[LoneWolf]

Aber es is ned wichtig.
Ma schreibt nur, wia ma si fühd.
Und irgendwann wird`s ganz wurscht sei.

 

[LoneWolf]

Naja, i wart eigentlich scho den ganzen Tag drauf, dass do nowos kummt.

Aber es kummt nix mehr.

Schau ma halt morgen wieder vorbei.

Guade Nacht.

 

[LoneWolf]

Wia odraht bin i und odraht san die Kommentare und odraht is der Thread.
Manchmal is wia verhext.
An manche Tag geht gar nix wie erwünscht.