Wennst aufwachst in da Fruah und feststellst, dei erster, allererster Ansprechpartner is a Intel Pentium, E 6700 mit an aufgsetzten Windows 7 dann bist, mit Verlaub, scho a armer Hund. Da stellt si zeitweis sogar die Frage, ob`s ned vielleicht do besser war, wias`d no auf bist, owe in`s Beisl auf an Kaffee, a paar Viertl`n und a Plauscherei mit echte, lebendige Leut, dena wos`d ins Gsicht schaun kannst beim Reden. A wenn am End nix anders auße kumma is, ois wia ein mugel Rausch.
Deine Kinder san ned da und a ned furt. San weder kla no längst erwachsen wur`n, klar, deine Kinder gibts gar ned, weilst es nie in`d Wöd gsetzt hast. Und für dei fast grenzenlose Freiheit hast vur ned gar so langer Zeit an Menschen furt gschickt, der, wenns ned so scheiße grennt wa, a Partner fürs Leben sei hätt kenna. Deine Freind, verstrah`d vom Wind in Wean und ned amoi a dürrer Hund wirft an Schatten in dei Leben.
Ja, wennst aufwachst, eines schönen Tages in oller Herrgotts Fruah, und dir wird so richtig voll bewusst: dei erster, allererster Kommunikatuionspartner is a Intel Pentium E 6700 und ollas andere um di herum is tot und ohne Leben, dann is des ka Grund, in a Depression z`stiazen, aber höchste Eisenbahn, den Sinn vom Leben neu zu überdenken.
Deine Kinder san ned da und a ned furt. San weder kla no längst erwachsen wur`n, klar, deine Kinder gibts gar ned, weilst es nie in`d Wöd gsetzt hast. Und für dei fast grenzenlose Freiheit hast vur ned gar so langer Zeit an Menschen furt gschickt, der, wenns ned so scheiße grennt wa, a Partner fürs Leben sei hätt kenna. Deine Freind, verstrah`d vom Wind in Wean und ned amoi a dürrer Hund wirft an Schatten in dei Leben.
Ja, wennst aufwachst, eines schönen Tages in oller Herrgotts Fruah, und dir wird so richtig voll bewusst: dei erster, allererster Kommunikatuionspartner is a Intel Pentium E 6700 und ollas andere um di herum is tot und ohne Leben, dann is des ka Grund, in a Depression z`stiazen, aber höchste Eisenbahn, den Sinn vom Leben neu zu überdenken.