Lonewolfisch

[LoneWolf]

... wäu da hab i manchmal des Gfüh, i warad ned ganz so alla.

Oiso, in mein Denken und Gefühlsleben alla mit ir selber, man i, im Grunde wie jeder andere a.

Natürlich bin i ned ganz alla, selbstverständlich hab i Freind in mein Umfeld und kann a über vü reden, so is des ned.

Aber des is wos anders... i schreib gern, des halt mi mental über Wasser, des führt mi zu mir selber hin, des brauch i ganz afoch. I schreib gern, so wie der ana Hawara von mir gern mit Holz bastelt, a andere mit der Elektronik umanander tuad... so schreib i gern auf, was mi bewegt. Und von Zeit zu Zeit kummt vielleicht was, was andere a berührt, dann wieder länger nix. So is halt.

 

[Moondance]

Aber des is wos anders... i schreib gern, des halt mi mental über Wasser, des führt mi zu mir selber hin,

ja ok, und wann ist es soweit....

 

[LoneWolf]

der Mensch hat Ausschau nach Menschen denen er vertrauen kann weil er sich selber nicht vertraut, vertraut er sich selber schaut er nicht explizit, denn er weis, dass er SICH immer vertrauen kann......naja, wenigsten theoretisch

Da brauch i jetzt a bissl länger, bis i des versteh.

Ana, der sich selber vertraut und ned um Kontakte bemüht is zu Menschen, denen er ebenso vertrauen kann, der is entweder um Kontakte bemüht, denen er ned vertrauen kann (warum a immer) oder er um gar kane Kontakte bemüht. Versteh i des richtig?

Warum nimmst du den Kontakt zu mir auf?

Wäus`da selber vertraust und mir ned traun wüs`d?
Wäus`d amoi mit an echten Niemand ned in Kontakt treten wüs`d?
Oder wäu`s a bissl spü`n wüs`d?

ist halt immer noch öffentlich und somit teilst Du Deins mit uns...

Ja eh, sag i ja... i bin ned geizig. Nehmt`s euch was wollt`s, was ned wollt`s, lasst`s liegen.

würdest Du es nur für Dich machen hättest ein Tagebuch wo keiner reinschauen kann...

Na, eben ned. I mach`s in erster Linie für mi und trotzdem da. Wäu i hab ka Tagebuch, no nie besessen.
Des is mei Tagebuch. Des da, wost du ollaweu umstierlst drin. Weil du mich liebst, gib`s endlich zua.

Aber im Ernst, Waldweg, ka Mensch der bei Gesundheit is, wird Kontakte knüpfen wollen, denen er ned vertrauen kann. Wenn Vertrauen ka Wichtigkeit mehr hat, ka Wert mehr is, in ana Gsellschaft, dann is die ganze Gsellschaft an Dreck wert. Sag i, ganz brutal.

 

[LoneWolf]

Immer gehts um Vertrauen, sogar in der Tierwelt, wenn si zwa Viecher begegnen.
A wenn die des Wort dafür ned haben, gehts trotzdem um Vertrauen.
Und beim Menschen sollter`s anders sei?

Wos is des für a arge Zeit bitte?

Is ja nimma zum druchdrucken sowas.

 

[LoneWolf]

Wisst`s wos arg is?

Wenn i mit an Menschen vögeln tua, in da Harpfen oder am Kuchltisch, wurscht,
herum busseln, umanander vögeln in olle Stöllungan, die der oide Körper no zualasst,
Französisch bis Hausmaster, ollas wos ma glernt ham in an langen Leben,
Sex hab halt, wia ma so sagt, und im Hinterkopf waß i gleichzeitig,
daß i dem Menschen im Alltag ned wirklich über`n Weg traun kann.

Des is arg.
Aber des gibt`s wirklich.
Kommt immer wieder vor.

In den besten Haushalten.

 

[LoneWolf]

Auweh... des war jetzt wieder a derber Beitrag.

Moderator... Moderator... ich möchte bitte Selbstanzeige erstatten.

I bin normal gar ned so vulgär.

Es is mi nur ganz kurz überkumma.

 

[Greenorange]

es gibt Menschen, die nicht merken, wenn sie wahrhaftig geliebt werden, weil sie so mit sich beschäftigt sind, daß sie ihre sensoren verkümmern, elendig.

 

[LoneWolf]

Und immer gehts bei Begegnungen um Vertrauen und immer steht dabei a des Selbstvertrauen am Prüfstand.

Und nie is ma fertig, wäu bei jeder neich`n Begegnung geht des Spü von vurn los.

Des is ja des schene am Leben, daß an eigentlich nie wirklich fad werd`n kann.

 

[LoneWolf]

I trau ma fast sagen:

Sogar in der letzten Stund, kurz vur der Begegnung mit`n Tod, gehts no um Vertrauen, wäu i geh mit niemand mit, dem i ned trauen kann. Da bin i a bissl ängstlich, von der Erziehung her.

Wenn`s ma aber jetzt im Leben nie wichtig war und nie gelungen is, zu Menschen, die ma greifbar gegenüber stengan, Vertrauen zu fassen, wie soll i dann dieser gewaltigen, unfassbaren Macht begegnen, die ma ja a no vü größeres Rätsel is, als die fremdesten Menschen auf den fernsten Kontinenten.

I waß, des is a bleder Gedankengang, aber i kann nix dafua, daß ma des jetzt grad einfallt.

Wurscht, i habs halt notiert.

 

[LoneWolf]

Is ma scho klar, daß ma an Menschen ned afoch so vertrauen kann.

Siacht ma eh, was er auffüht, auf`n Planet`n.

Drum is ma ja wichtig, mi umzschaun.

Der Zweifel, daß Menschen gibt, dena wos ma traun kann, hat mi no ned ergriffen.