Gestern hab i ma denkt, i scheiß drauf. Aber wirklich. Fliag no amoi, aufgladen, wia da leibhaftige DNB selber, durchs Forum, siach:
"Stillen in der Öffentlichkeit" und denk ma: "Leiwand, da geh i jetzt eine und erledig mei Notdurft. Aber sowas von tiaf, dass mi der Chef auße haun muaß. Des hod eh ollas kann Sinn, was i probier. I kann da jetzt ned irgendwelche großartigen Vurstöllungan haben, in dem Forum, des is ma scho klar. Wichtig machen kann i mi bei mir daham in die vier Wänd und da a nur, bis der Vermieter kummt und sagt: "So gehts ned, Woif, die Musi muaßt leisa drahn." Des is ma ollas bewusst.
Aber bitten kann ma die Leut.
Bitte sad`s so nett, i arbeit an mir, wü mei Mundart a bissl in dem abgeschiedenen Eckerl pflegen und ins Reine bringa, damit i eichare Diskussionsrunden ned ollawäu damit entstö. Probiert`s es vielleicht a a bissl und kummts ma an halben Meter entgegen. Bitte bitte bitte. Wenns Diskutieren wollts, mit mir oder unteranand, über meine Ansichten, Erfahrungen, Gedanken und Gefühle, gema bitte ume in den Diskussionsthread. Und vur allem kan Hick Hack unteranand tat i ma wünschen, des warad ma a ganz großes Anliegen, zumindest da, in mein Aufgeschrieben Fred... is jo ned gar so vü, wos ma si da wünscht. Und so pervers eigentlich a ned. Aber es soi ned sei. Ned da im Forum und a ned draußen, in der wirklichen Wöd.
Na stö da vua, wie soll des geh? A Ordnung und a Frieden auf da Wöd, wenn die Leut ned amoi fähig san, sich in so an Forum zu verständigen und gegenseitig zu respektieren, ja, ned amoi in an anzlnan Fred.
Vüle, die über mein Monolog-Thread stolpern, speziell,die ganz besonders Wiffen, denken si womöglich: "Naja, a depperter Spaßvogel halt... a bissl augschitt, vielleicht nach der Entbindung der Hebamm aus die Händ grutscht und glei amoi die Fließen im Kreißsaal demoliert. Der waß ja ned, von was er red, aber lass man reden, da hint im Eck, da gibt a wenigstens a Ruah."
Die wissen jo ned, daß i nur über Sachen schreib, die wos i selber dalebt hab. Da man i jetzt speziell die Gschicht mit`n DNB. Ja, der Dämon des niedrigen Beweggrundes, genau. Den gibts wirklich und ganz real, leider, und ned nur mi probiert er immer wieder zu bewegen. In an Jeden steckt er drin und vüle da in dem Forum, des muaß i anerkennender Weise sagen, haben eahm no vü besser im Griff, als i. Aber vüle a eben ned.
Der is immer scho mei anziger, wirklicher Feind gwesen und a heut raff i no mit eahm von Zeit zu Zeit. Und gestern hätt er mi a fast wieder gritten, wia i angfressen von meiner vergeblichen Liebesmüh, in mein Thread Ordnung zu schaffen, zufällig les: "Stillen in der Öffentlichkeit."
Na wart, hab i ma denkt. Jetzt zag i euch, was a Troll is:
"A Brust? A entblößte Brust in der Öffentlichkeit? Ja seit`s denn es Wahnsinnig wur`n? Wie kann ma denn an sowas Verwegenes überhaupt nur denken? A Frau, die öffentlich stillt, die ghört doch bittsche sofort vors Gericht gstellt. Wo kumman unsere ganzen moralischen Werte hin? Die Welt is doch eh scho so am Oasch. Die Amis versteh i voi, daß die da sensibel san, was die Moral betrifft. Und überhaupt war die Besiedelung Amerikas und die Unterdrückung der dort einheimischen Bevölkerung der anzig richtige und überaus moralische Weg in die Zukunft der Wöd, wäu nur so hat si diese grandiose Hochkultur zu dem entwickeln kenna, wos heute is und die ganzen guaden Ideen, die wos jetzt wieder zruck nach Europa kumman, a anziger Segen. Gott dem Herrn sei dank und Ehr. Auf kan Fall... Öffentliche Stillen solltert strengstens untersagt werden."
Dann hab i ma denkt, na, so kannst ned sei, des bist ned wirklich du. Der niedrige Beweggrund is sowieso kaum endgültig zu besiegen, aber so leicht mach ma`s eahm a wieder ned. Die Leut durt in dem Thread kennan nix dafua, daß mi meine Besucher zeitweis so schlecht verstengan. Dann hab i halt a Meinung zum "öffentlichen Stillen" gschrieben, die zwar a ka großartiger Beitrag zur Wahrheitsfindung is, aber die i zumindest vertreten kann.
Wenn ma zwar gern stillen tät, wie`s einem entspricht, eben auch öffentlich, aber noch viel lieber sei Leben und indrekt auch das des den Neuen Menschen gewaltsam auf die überaus schrägen Werte ana Spießergesellschaft ausrichten und programmieren wü, dann tät i sagen: Nein, keinesfalls öffentlich stillen, sonst führt des nicht zum Ziel.
Wü ma aber sich selber und seinen eigenen Werten treu bleiben dann tat i sagen: "Stille Frau, so wie`s dir entspricht."
Na, und so is a der scheiß Tag verganga und auf`s Nacht bin i dann schlafen ganga.
Immer a Aug offen, wäu da DNB schlaft ned.
