Lonewolfisch

[LoneWolf]

Die Frage ist nur, will Mann eine Frau die in die Studie passt, oder eine die aus dem Rahmen fällt wie er selber

A Gnädigste, die wos si selber kenna tuad, a Frau wa leiwand, die waß, wos sagt, wenn`s red und die dann a no so lebt, wia`s spricht.

A Prinzessin, die ma dazöhd, sie legt kan Wert auf den materiellen und gesellschaftlichen Status des Mannes, wäu nur die Liebe is ihr wichtig und des Herz und des z`samhalten und des gemeinsame durch dick und dünn geh - daß i scho fast die Engerl singa hör - und dann reibts ma bei jeder zweiten Meinungsverschiednheit unter`d Nos`n, wos i für a Loser bin, wäu i im Leben nix auf`d Fia`ß gstöd hab, wäu ihr Quasslerei und Liebesgesülze ned mehr ois a momentane Laune war...

Naja, wurscht, brauch i jetzt ned ausführen, wos los warad, wenn ma sowas passier`n tat.
Soi ja ollas scho dagwesen sei.

Wenn i mi in so ane verschaun tat, fangert i glatt wieder zum trinken an.
Wäu i mi ärger über mei eigane Blindheit.

Nana, passt eh... da san ma die Damen scho liaber, die glei sagen: "Der Typ muaß des und des und des HABEN und so und so und so SEI. Klar. Da waß i glei, wia da Hos rennt und brauch mi nacher ned ärgern.

 

[LoneWolf]

Klar kanns vurkumma, daß a Dame amoi so red und dann wieder anders.

I hab ja selber no nie a Freindin ghabt, aber unlängst erst hat mi auf da Straß`n a völlig verwirrter Typ angred und mir so a ähnliche Gschicht dazöd: "A Wahnsinn mit meiner Frau, manchmal is ma, ois mechad i ma`s Leben nehma. Amoi mant`s, sie is glücklich mit mir und zfrieden, dann wieder bin i des letzte Oaschloch und der ärgste Luschi, den die Wöd jemals gseg`n hat. Von Vurn gibts ma a Bussl und kaum drah i mi um, fliagt ma a Hackl in`s Kreuz. Aber sie mant des ned wirklich bös. Sie wü mi nur a bissl verletz`n, wäu sa si selber verletzt fühd von ihr`n Leben und si nur guad füh`d, wenns a bissl gemein zu mir is und Druck auf mi ausübt. Aber i bin ziemlich unverwundbar und vielleicht a a bissl deppert... i halt des aus, wäu i hab`s gern."

"Bewundernswert..." hab i gsagt. "I haltert des ned aus. Hab gnua z`tuan mit mein eiganan DNB. Oiso mit mein eiganan Dämon des niedrigen Beweggrundes. Wenn i mi jetzt no mit`n DNB von an andern herumschlagen miaßad, warad i echt überfordert. Da gangert i in`d Knia und die Liebe fliagert furt aus mein Herz. I warad maximal a Liebender mit mittelmäßig belastbare Nerven, aber ka Psychiater."

"Na, i scho, i halt des aus, wenn sei muaß, bis zum Tod. Auf Wiederschaun der Herr..." hat er gsagt und is weida ganga, wie ein von der Liebe Gebeugter.

 

[Romulus]

Woarscheinlich hot a koa ondere kriagt und jetz findet er si o mit dera Frau, wei allanig sein pockt a net, da Unverwundboare.

 

[LoneWolf]

Woarscheinlich hot a koa ondere kriagt und jetz findet er si o mit dera Frau, wei allanig sein pockt a net, da Unverwundboare.

Naja, kann i eahm a ned verübeln, allanich sei is ja oft a ärger wia Stana schlucken.
Schau di um auf da Wöd... i man, jo, is eh ollas sche und leiwand, wenn ma si a rosane Brün aufsetzt.
Oder wenn ma`s bei Zeiten gschafft hat, si a Biotop der Sölichkeit z`baun.

Aber wenn ned, dann kann`s von Zeit zu Zeit scho passier`n, daß ma si an Menschen wünscht,
an seiner Seiten oder in der Näh, dem ma bedingungslos vertrauen kann.

Des solltert halt jemand sei, der an ähnlichen Pascher hat, wie man selber.
Mit dem, kennt i ma vurstön, versteht ma sie dann ganz guad.

Naja, und der Typ mit der schwierigen Ehe, der vertraut halt drauf, daß ollas Guad wird, irgendwann.

Wahrscheinlich glaubt er an den Weihnachtmann a no, der Arme.

I hab eahm jo nimma troffen, waß ned, wos aus eahna wurn is.

 

[LoneWolf]

Ha, jetzt hab i`s.

SUCHE FRAU

MIT ÄHNLICHEM PASCHER

WIE ICH EINEN HAB.

​

 

[Moondance]

, daß ma si an Menschen wünscht,
an seiner Seiten oder in der Näh, dem ma bedingungslos vertrauen kann.

vertraust Du Dir bedingunslos...?

Genial - sag ich ja ...
Zippe

nicht alles, nur dieses Post, der Rest ist Gejammer...

 

[LoneWolf]

vertraust Du Dir bedingunslos...?

Nach 55 Jahr is höchste Zeit.

 

[Frl.Zizipe]

nicht alles, nur dieses Post, der Rest ist Gejammer...

Tja weisst du, so ist das überall in der Kunst. Nicht alles gefällt jedem. Für den einen ist es Gejammer, für den anderen ist es Satire und für den nächsten ist es beinah schon Lyrik ...



Zippe

 

[LoneWolf]

vertraust Du Dir bedingunslos...?

Sunst haltert i ned Ausschau nach Leut, denen i vertraun kann.

nicht alles, nur dieses Post, der Rest ist Gejammer...

I nenns afoch schreiben drüber, wia`s ma geht, nach ana klanan Reise durch persönliche Höhen und Tiefen und in allererster erster Linie mach i des für mi. Sonderlich bewerten tua i des gar ned, des is ma ned wert und sovü Zeit hab i ned.

Aber i war no nie neidig und schreib gern in dem Forum, wäu da hab i manchmal des Gfüh, i warad ned ganz so alla. Und wenns manchmal anstrengend zum lesen is, oder zum versteh, gibt`s ja die Option, daß ma`s sei lasst. Des lesen man i. Is ja ned verpflichtend.

So is und ned anders.

 

[Moondance]

Sunst haltert i ned Ausschau nach Leut, denen i vertraun kann.

der Mensch hat Ausschau nach Menschen denen er vertrauen kann weil er sich selber nicht vertraut, vertraut er sich selber schaut er nicht explizit, denn er weis, dass er SICH immer vertrauen kann......naja, wenigsten theoretisch

I nenns afoch schreiben drüber, wia`s ma geht und in allererster erster Linie mach i des für mi.

ist halt immer noch öffentlich und somit teilst Du Deins mit uns...
würdest Du es nur für Dich machen hättest ein Tagebuch wo keiner reinschauen kann...