Dialekte-Thread

[gerry]

Aba is net eigentli fost immer so,dass die Wiener noch da Schrift redn und olles so laaaang ziagn? @Gerry

Du hast gleich wie mei Schatzi, der hast a Gerry...

Jooo, Sili, im Wiener Dialekt zaaamaaa oiis innd Läääng. Oba noch da Schreibe rednd wenigsten. Es gibt oba drei Dialekte in Wien:

1) Schönbrunner Dialekt. Wer so redt, is wos Bessas, redt a bissl durch de Nosn, de aa imma a bissl hecha ghoidn wird ois bei de aundan. So a bissl de Sproch vom Kaisa: "Nauau geeh, heit bin i goooaaar net beim Meinl am Grobn gwesen, ma hot ja gooar net richtig Zeieieit zum Schoppen geee - ma hat jo ka Zeit mehr heitzutog" (stets mit leichten Sirnrunzeln, gespreizte Haltung einnehmend)

2) Vulgärdialekt: des san de Leit, de ständig Fett mit u schreiben und sunst a net vü zum sogn haum, aber des hoit oaschinär. Des is mia z'hoat.

3) Normales Wienerisch: des red i. Do muaßt de Nosn net oman haum, brauchst net blasiert sei und vulgär muaß ma a net redn.

Neich is:
4) Deitsch: Vüle kumman jetzt aus Deitschlaund zu uns owe und studiern oder hackeln do. De redn eanan Schnobe und unsere Jungan nehman des a au. So sogt mei Bua maunchmoi stott "Naaa" jetztn "Nöööö" oda "Mannno". Es tuat si was do in Wien mit da Sproch.

Ollas Liabe
Gerry

 

[Silesia]

schen host des gschriem Gerry!
Die Biefke hamma a in Graz, a freindin namens Charleen (tscharleeen) mant imma: "Mensch´da griesch SOOO´n Kamm!" "ach neee, total schräg"

Dass denen des net z´anstrengend is, die Deitschn... immer deppat noch da Schrift redn!

 

[Farbenvogel]

ja bist narrisch, jetz hob i´s erst glesn...eng schreibts dou über de biefke....na servas, wo bin i nau do higradn?
ihr derfts de owa net mit allesamt vergleichn, gö?
vielleicht klärts me amoi aaf, wer bei eich alls biefekes san? hm?

 

[Hamied]

jetzt muas i ja au amol wiedr ebes nei schreiba. nur was schreib i denn menschenskendr? i woiß nix, mir fällt grad nix ei....abr i wensch eich älle an schena obend ond saumäßig viel spaß dahanna.

liabe griaß kerschdien

 

[gerry]

Des mit de Deitschn wird jo immer grotesker:

Auf da Uni faungans zum rafn au, weil die Deitschn glei a gaunze Baunk reserviert haum in an übafülltn Hörsoi. Des haum si de Wiener net gfoin lossn und glott an patzen Pahö aungfaungan, de soin dahaam studiern und waunns scho kumman, daun net glei olle Bankln okkupiern, nur weil eanare Hawera no net do san. Des woa Hörsoi 3 auf da Uni und a poar Plotzwunden hats scho gebn noch da Raferei.

No ärger is auf da Pathologie in da Schwoazspanierstrossn: do regn sa se auf, weil de Professorn zum Teil mit Wiener Audrick untarrichtn. Songs do glott "Jaukerl" stott "Spritzn". I frog mi olladings, ob in Berlin da Professa net aa Berlinerisch redt, ob a Ösi-Medizinstudent do ois versteh tät. Waun i in Wien an Patienten behaundl und der sogt mia ois Oazt: "Herr Dokta, gebns ma a Jaukerl" daun muaß i hoit wissen, was a maant und kaun eam net augeh und frogn: "Wat labern Sie denn da, ick versteh Sie ja nisch"! Warat jo oag waun i mein Dokta net versteh tät oder er mi net.

Drum warat gscheida, de Deitschn de wos do lebn, leanan Wienerisch, daun warat vü leichta. Am Aunfang kennans jo de Einheimischn frogn, wos a Jaukerl is - warat afocha anstott zum Rafn auzfaunga.

Ois Liabe
Gerry

 

[Silesia]

Ich rufe meinen Dialekte-Thread ins Forum zurück!

Bist du deppat i hob heut mit an gred der kummt von da Laßnitzhöhe, der hot wos zammböllt, i hobn fost net vastandn

Ein Weihnachtsständchen:
Es wird scho glei duuumppaaa, es wird scho glei nooocht...

 

[goalie]

griaß eng god beinaund!

oiso i murs eng iatztat sogn, das i a i´virdlarin bi. i leb dennacht scho a por johr do z´linz herent, owa mei hechz is nu z´scharding. meine leidln olle sans nu dahoam am I´ oda a da Pram. D´tant wohnt ba da Enknach a da nah.

Monchmoi föhts ma scho dennacht es i´virdla bia fam bamgoatna oda fam kopsreida, meingod, dös is hoit nu a gschmo, gmocht aus frischm wosa, a hopfn so kloa und sauwa. owa ah dös bradl in da rei in da schardinga bumsn, dös gangat ma oiweu recht o.

Ah wonns ma recht schwerfoin di werta di oidn, bi i doch glikli, dass mas dahoin.
A schene Weihnocht winsch i eich oin, toats sche singa intam bam, die packerl aufmocha, toats guade sochn essn, und auf´d mettn net vagessen, dass eng da pfoara net schimpfat und da beidl recht klimpat.

und a schens neich joahr winscht ma si bei ins, gaunz nahad da bayrischen grenz.

 

[Romaschka]

wenn ick mir mühe jeb, kann ick euch teilweise sojar verstehn,
und ick find dit och irre lustich, wenn alle sprechen, wie ihnen det maul jewachsen is.
meene mutta is immer fast ausjeflippt, wenn ick mit dieser berliner schnauze am wochenende aus'm internat nach hause kam. irjendwann hat se 't uffjejeben, mia zu kritisier'n, un denn hat det och nich mea so'n spaß jemacht, uff fremddialektisch zu labern.

aba wenn meene cousine vonne ostsee ihren släng raustut, denn lach' ick mir och imma schlapp. ihr mann heißt rainer.
"Rainäääääär, komm doch mal heeeäääär!" Leider kann man dit ohne Ton nich so jut nachempfinden...

pälzer-deutsch is einfach herrlich, aba da brauch ick noch nachhilfe.

 

[taimie]

Oisdan, Griass Eich z´aman

I kum aus Wean, des is so zu sogn de Hauptstodt von Österreich.I hob a ka problem damit, an ondern dialekt zu verstehn.

Oba a Problem damit des so zum sogn wiea´s g´hört, ich tät eich olle amoi gern zua mia eilodnan in a richig´s Weana Beisl oda auf a Würschtlstandl auf a EITRIGE mit an Fläck, und donn derf a sicha des Bierli net fön.

So, des is amoi vu mia, wos geht bei Eich????

 

[JimmyVoice]

Ist hochdeutsch eigentlich auch ein Dialekt?