Nach dem schlechten Start gestern probier mas heut halt no amoi. Und sicherheitshalber fang i glei amoi mit ana kurzen Erklärung an, voll der Hoffnung, daß verstanden wird.
Lonewolfisch is die Sprach in der i im Alltag red. Des is jetzt ned unbedingt a Kunstsprach für mi, wäu die hat si ja in mein sozialen Umfeld, quasi ohne großes Zutun, wie von selber entwickelt. Künstlich warads eher, wenn i ausschließlich Hochdeitsch reden tat, wäu des ned so meiner Gewohnheit entspricht.
Und des Unterforum, da, wo mia jetzt san, haßt "Aufgeschrieben".
Da schreiben User eigane Gedichte eine, oder Gschicht`n, Reale oder Phantastische oder a Gemisch aus beidem, Trauriges oder Lustiges; vielleicht a bissl Prosaartiges, ka Ahnung, wos da alles gibt, bin da ned so gebildet. Aber i ghör a dazua, wäu i halt a ganz gern schreiben tua. Unabhängig von dem Niveau, auf dem i mi dabei beweg.
Meine Kinder san ned da und a ned furt, die Frau an meiner Seit`n hab i letztes Jahr scho wega gschickt, eitauscht, gegen mei Freiheit und des Recht zu reden, mit wem i wü... und so wach i auf, alla und ohne wichtige Aufgabe, ohne wirklich erfüllenden Sinn. Mei Leben draht si in erster Linie um mi und i muaß ma zwangsläufig selber genügen.
Und i leb in ana Wöd, in der dieser Zuastand idealisiert wird, mittlerweile.
Nur eben ned von mir, sondern vom Mainstream.
Und Morgengedanken ziag`n ma durch`n Schädel. Manchmal erheitert mi was, in da Fruah, sehr oft aber druckt ma wos auf`s Gmiad. Und da hab i dann mitunter des Bedürfnis, afoch drüber z`schreiben.
Und des tua i ganz gern da, in dem Unterforum, wäu da hat ma sei heuliche Ruah. Vom Mainstream.
Da ich unter anderem auch gern so schreib wia i denk und red, oiso Lonewolfisch, hab i gestern die geniale Idee ghabt, mein Hang zum Mundartschreiben hier, in diesem abgelegenen und speziell für`s Schreiben eingerichteten Teil des Forums auszuleben. Um die anderen User in den themenbezogenen Threads nicht mehr mit meinem Kauderwelsch zu stören oder zu irritieren und natürlich a, wäu ma da umgkehrt sei heuliche Ruah hat.
Mi stört des ned, wenn ana in die Kommentarzäun schreibt: "gfallt ma" oder "gfallt ma ned". Von mir aus soi durt steh: "Oida, des is da volle Scheiß, wos du da schreibst." Des is wenigstens a ehrliche Ansag und wird a gern glesen von mir, wäu des klingt scho fast Lonewolfisch. Aber kane virtuellen Streicheleinheiten, wenn i da in "Aufgeschrieben" mei Gefühlsleben offen leg und z.b. schreib: die Einsamkeit druckt ma an manche Tag auf`s Gmiad. I wach auf und um mi herum is ollas tot und ohne Leben.
Des is afoch nur a Darstellung von an Eindruck, den i hab und mit dem Gfüh werd i fertig, aber virtuelle Streicheleinheiten halt i dann nimma leicht aus. Da gehts ma richtig schlecht nocha. Jetzt druckt ma eh scho a mittelmäßig schwara Sta auf`s Gmiad, i probier, den irgendwie aufzulösen, auf amoi legt sie no a schware Hand a auf mein Kopf. Da werd i richtig krank, so guad kann des gar ned gmand sei.
No dazua kann i virtuelle Streicheleinheiten, ohne geschriebene Erklärung ganz schlecht interpretieren.
Da reicht mei Empathie ned aus und a ned mei Intellekt, des schaff i ned.
Des bringt mi afoch nur aus`n Konzept, des wird ma vielleicht versteh,
schließlich bin i nur a afocher, ned besonders gebildeter Mensch,
ned übermäßig empathisch und a ned sehr souverän.
Leicht zu verunsichern, wia ma so sagt und im Zweifelsfall a bissl paranoid.
Nix für unguad, aber so is. Des san halt meine Schwächen, mit dena muaß i leben.
Uijeh... jetzt is mei Erklärung doch wieder a bissl länger wur`n und der halbe Tag verschissen.
Aber macht nix, mia leben ja ewig, hab i ghört.
Und zur Entspannung und Selbstverarschung setzt i jetzt selber a nettes Smiley in mein Eröffnugnsthread,
dem hoffentlich no a paar Postings folgen werden, sofern i ned glei wieder auf mein Vursatz scheiß,
mi nur mehr da, im Unterforum "Aufgeschrieben", in meiner Mundart zu üben.
Lonewolfisch is die Sprach in der i im Alltag red. Des is jetzt ned unbedingt a Kunstsprach für mi, wäu die hat si ja in mein sozialen Umfeld, quasi ohne großes Zutun, wie von selber entwickelt. Künstlich warads eher, wenn i ausschließlich Hochdeitsch reden tat, wäu des ned so meiner Gewohnheit entspricht.
Und des Unterforum, da, wo mia jetzt san, haßt "Aufgeschrieben".
Da schreiben User eigane Gedichte eine, oder Gschicht`n, Reale oder Phantastische oder a Gemisch aus beidem, Trauriges oder Lustiges; vielleicht a bissl Prosaartiges, ka Ahnung, wos da alles gibt, bin da ned so gebildet. Aber i ghör a dazua, wäu i halt a ganz gern schreiben tua. Unabhängig von dem Niveau, auf dem i mi dabei beweg.
Meine Kinder san ned da und a ned furt, die Frau an meiner Seit`n hab i letztes Jahr scho wega gschickt, eitauscht, gegen mei Freiheit und des Recht zu reden, mit wem i wü... und so wach i auf, alla und ohne wichtige Aufgabe, ohne wirklich erfüllenden Sinn. Mei Leben draht si in erster Linie um mi und i muaß ma zwangsläufig selber genügen.
Und i leb in ana Wöd, in der dieser Zuastand idealisiert wird, mittlerweile.
Nur eben ned von mir, sondern vom Mainstream.
Und Morgengedanken ziag`n ma durch`n Schädel. Manchmal erheitert mi was, in da Fruah, sehr oft aber druckt ma wos auf`s Gmiad. Und da hab i dann mitunter des Bedürfnis, afoch drüber z`schreiben.
Und des tua i ganz gern da, in dem Unterforum, wäu da hat ma sei heuliche Ruah. Vom Mainstream.
Da ich unter anderem auch gern so schreib wia i denk und red, oiso Lonewolfisch, hab i gestern die geniale Idee ghabt, mein Hang zum Mundartschreiben hier, in diesem abgelegenen und speziell für`s Schreiben eingerichteten Teil des Forums auszuleben. Um die anderen User in den themenbezogenen Threads nicht mehr mit meinem Kauderwelsch zu stören oder zu irritieren und natürlich a, wäu ma da umgkehrt sei heuliche Ruah hat.
Mi stört des ned, wenn ana in die Kommentarzäun schreibt: "gfallt ma" oder "gfallt ma ned". Von mir aus soi durt steh: "Oida, des is da volle Scheiß, wos du da schreibst." Des is wenigstens a ehrliche Ansag und wird a gern glesen von mir, wäu des klingt scho fast Lonewolfisch. Aber kane virtuellen Streicheleinheiten, wenn i da in "Aufgeschrieben" mei Gefühlsleben offen leg und z.b. schreib: die Einsamkeit druckt ma an manche Tag auf`s Gmiad. I wach auf und um mi herum is ollas tot und ohne Leben.
Des is afoch nur a Darstellung von an Eindruck, den i hab und mit dem Gfüh werd i fertig, aber virtuelle Streicheleinheiten halt i dann nimma leicht aus. Da gehts ma richtig schlecht nocha. Jetzt druckt ma eh scho a mittelmäßig schwara Sta auf`s Gmiad, i probier, den irgendwie aufzulösen, auf amoi legt sie no a schware Hand a auf mein Kopf. Da werd i richtig krank, so guad kann des gar ned gmand sei.
No dazua kann i virtuelle Streicheleinheiten, ohne geschriebene Erklärung ganz schlecht interpretieren.
Da reicht mei Empathie ned aus und a ned mei Intellekt, des schaff i ned.
Des bringt mi afoch nur aus`n Konzept, des wird ma vielleicht versteh,
schließlich bin i nur a afocher, ned besonders gebildeter Mensch,
ned übermäßig empathisch und a ned sehr souverän.
Leicht zu verunsichern, wia ma so sagt und im Zweifelsfall a bissl paranoid.
Nix für unguad, aber so is. Des san halt meine Schwächen, mit dena muaß i leben.
Uijeh... jetzt is mei Erklärung doch wieder a bissl länger wur`n und der halbe Tag verschissen.
Aber macht nix, mia leben ja ewig, hab i ghört.
Und zur Entspannung und Selbstverarschung setzt i jetzt selber a nettes Smiley in mein Eröffnugnsthread,
dem hoffentlich no a paar Postings folgen werden, sofern i ned glei wieder auf mein Vursatz scheiß,
mi nur mehr da, im Unterforum "Aufgeschrieben", in meiner Mundart zu üben.
Zuletzt bearbeitet:
