U
Uranie
Guest
.....zum kugeln.... diese Formulierungen.....einfach köstlichDa Oaztbefund
Da Oazt, er sogt: „Mei liaba Monn,
schau is mir ihre Werte on,
so frog i mi, wia konn’s des gem,
dass sie mit so vü Gwiagst no lem“?
„Bei so an Schwung on Maladät,
wia’s vor mir auf’n Zettel steht,
do sand doch olle Pülln und Tropfen,
nur mehr für'd Kotz und nur a Topfn“.
„Die Leber, und des ohne Zweife,
is doch bei ihna längst beim Teife
und a die Nier'n, so da Befund,
sand mehr ois wia scho untern Hund“.
„Bei oi die Sochn, des is gwiss,
wird kloar a wos die Ursoch is
und zwoar, dass sie gonz ohne Frong,
woi Alkohoiprobleme hom“.
„Drum ob sofort mei guada Rot,
des Saufen jetzt a Ende hod,
bevor, wos sonst jo nohe liegt,
a no die Müz den Geist aufgibt“.
Do reißt’s eam glei, den oidn Specht:
„Die Müz is guat? Des kommt ma recht!
Wei, wonn die weiter is zum Brauchen,
werd i auf der hoit weiter saufn.
H. G. W.
Adamas