Ja, schlecht is a ned, der Gunkel, i hab eham immer bewudert, für sei gscheide Rederei. Und i gib eahm scho recht, die verstaubten Biachln tät i a sche langsam olle verbrenna. Hechste Zeit was.
Nur ans kann a der Gunkel ned.
7,2 Milliarden Menschen über`d Nacht auf sein Intelligenzlevel aufeheben.
84% von der Wödbevölkerung ghören statistisch gsegn no ana Wödreligion an.
Da bin i ned amoi dabei, weu i amtlich betrachtet eigentlich a Heide bin, der in kana Kirchen eitragen is.
Wenn jetzt von die 84% a Teil nur wirklich und ersthaft an "Gott" glaubt, so als klane Stützte in schweren Lebenslagen, die eahna Mut macht zum weidageh, dann siach i da ehrlich gsagt, kan großen Fehler drin.
Besser, ma glaubt an was, was ma in sich drinnen hat, in sein Herz und in sein Kopf, die Vision von an Gott, der die Wöd fürn Menschen vorbereitet hat und der an immer weida treibt, is a oft steinig und schwer, ois ma legt si nieder zum sterben. Oder wart, bis der Gunkel kummt und an die neiche Wahrheit bringt. Des warad halt mei Meinung zu den Fall.
Naja, und die Depperten, die was no an den Gott glauben, die ham halt a eahnare Stammesbrüder und dena geht a so. Und die tauschen sich aus, meistens durch Grunzgeräusche und wilde Gebärden und so schaffens halt so a Art Stammesreligion. Weu, wies der Zufall wü, ham alle den selben Gott eibaut, der wü a für alle des selbe, nur kumman die Affen halt mit der Kommunikation ned recht zrecht. Und so entstengan die Missverständnisse über Gott scho im Anfang.
Naja... und a wenn i a Heide bin ohne fixes Vereinsbekenntnis, ghör i a no zu dem großen Teil der geistig zurückgebliebenen Weltbevölkerung, die was den Gott no a bissl brauchen, der was da von Geburt an in eahna eibaut is, sozusagen, wie a innere Stimm. Und a i triff hin und wieder an Stammeskollegen, mit dem i mi diesbezüglich austauschen tua.
Und da mechat i di, du gscheides Gunkerl, gern bitten um a bissl Verständnis und Geduld. Des wird no a paar Wochen dauern, bis ma 7,2 Milliarden Menschen auf dein Intelligenzlevel aufezaht ham. Wennst des vollbringst, Gunkerl, dann bist du mei Gott. Mei Gott mit der spitzen Zunge.
Aber du schaffst es ja ned amoi bis zum Respekt. Du kannst mi ned respektieren, weu i no a Aff bin, der an Gott braucht. Du spuckts auf mein Gott, auf des, was mi am Leben halt, spuckst auf mi und i spuck auf dei Kabarett.