ibahaupt kane Weana do? S gibts jo net, zerst schreims olle se kummen aus Wien und daun riat si kana...echt oag. S Zwergal schreibt "Registierungsort: Wien" und sogt, sie is a echte Obapfözarin, foahrt womeglich no mit an "W" auf unsare Stroßn umanaunda
Annerl, drah net eine. Freilich kannst ösi-deitsch, sogoa is "ell" vom Mundl hast scho kenna, wiast in Wien woast. Hobs jo söba gheat, wia ma bei da Manu woan. Bis in Februar waunnst wieder kummst wird des dei zweite Muttersproch (und da Foda is der Vater, des host oba scho gwußt, Annerl!)
Womit ma scho bei de Steira san. Mei Onkl hot noch Leibnitz owegheirat und kennt si in Wien scho fost schlechter aus ois sei Frau. Unlängst wollta auf da Hauptallee min Auto eine - des is jo scho a Foahrvabot seit i in d'Schui gaunga bin. Da Onkl hat a scho a bissl a steirische Go oba bei da Tant und bei meina Cousin muaß i scho a bisserl mehr aufpassn daß i ois vasteh.
Aber is Essen is leiwond unten. An guatn Wein bei de Heirign (de sogn Buschnschaunk), a Vahockats oda a Straubn - jo durt sitzt ma a gmiatlich! Gö, Goidi? Waun d'Wäsch amoi trockn is, daun kumm i amoi owe und mir haun uns auf d'Weinstroßn auf a gmiatlichs Achterl!
Ollas Liabe
Gerry
