Sonnentänzer
Mitglied
David bat mich, seine Bärenmoritat hier zu veröffentlichen.
Sie ist ausdrücklich zum weiterverbreiten erlaubt.
Ein Hinweis auf den Autor wäre wünschenswert!
Zu einer Moritat gehört natürlich der entsprechende Gesang, Rhythmus und Geräusche, die sich jeder selber dazudenken oder entwickeln darf.
Die Moritat vom letzten Bär in Bayern
(David*Ho, Alpenschamane)
Ihr liabn Leit kemmts zuawa und hörts die Moritat,
die sich im Jahr Zweitausendsechs in Bayern zuatrong hod. - //
A juanga Bär is kemma ins schene Bayernland.
DRegierung wolltn fanga. Der Bär hod des scho gspannt,
is eahna ausgekommen, wohl über Berg und Tal,
is durch den See geschwommen; ramt aus an Hasenstall.
A Bär braucht was zum Essn. Der hod koa Geald wie ihr;
Hod Schaf und Hendl gfressn, a grod a so wia mia.
Der Bauer war dann sauer. Wo war der guade Hirt? - //
Die meistn Leit in Bayern, die ham den Bärn gern meng.
Doch freilich gibts a solchene, die gern an Bärn erleng.
Do holns fünf Profijaga mit an Betäubungsgwahr
Aus Finnland mit fünf brave Hunderl gegen die Bärengfahr.
Wenn die den Bärn dawischn, wird er in Wildpark do.
Er hod eahna was gschissn und is in die Felsn davo.
Die Sunn lacht hoaß vom Himmel. Die Profhund san schlapp
Und hecheln mit de Finnen den gachen Berg hinab.
Dann dean die Profis hoamfahrn, kriagt hams an Haufa Geld.
Ko sei, weil sie was gwußt ham; das Geld regiert die Welt. - //
Da sagt der Herr Minister: Der Bär ist ein Problem.
Der kannt vin uns oan fressn (kannt kloane Kinda fressn),
Der Bär darf nicht mehr leben. - //
Da steigen drei dunkle Gstalten zur Rotwandhüttn nauf.
Der wirt, der hod an Bärn gseng. Die Tat nimmt ihren Lauf.
Und dann im Morgengrauen, zoagt sich der Bär am Wald.
Ganz friedlich duat er aufaschauen; da hamsn abgeknallt. - //
Die namenlosen Meuchler, verlorn hams eahna Gsicht.
Da sagt der Oberheuchler: Wir konnten anders nicht. - //
Da ist der Herr Minister fürd Umwelt a Problem,
denn wenn der net so gscheid gwen waar, dann dat der Bär no lem. - //
Der Bär kimmt tot auf München. Dort soll er ausgstopft wern.
Dann stellns ins Musäum, zum Ogaffa, die Herrn. - //
A junga Bär is ganga vom schena Bayernland,
daschossn, ja ermordet, von feiger Frevlerhand.
Ihr Bären meidet Bayern, solangs dort ham an Schuß.
Die Schandtat is zum Schama und bringt koan guadn Schluß.
Doch liabe Leit im Herzen, da lebt a Kraft, a Gspür:
Auf Erden kannt leben in Frieden Mensch und Tier. - //
Der Bär ist am 26. Juni 2006 erschossen worden.
herzliche Grüße
WhiteEagle
(Sonnentänzer)
